MáisBus

Versión web cos datos en tempo real, traxectos e horarios dos autobuses urbanos en Compostela

Obter paradas próximas (require permitir xeolocalización)

Seleccione liña

Incidencias activas na rede

Laraño Fase 2

Desvío na liña P2 por corte de tráfico na zona de Casal (a partir do luns 31 de marzo ás 9:30)

O luns 31 de marzo a partir das 9:30, cortarase ao tráfico a zona de Casal e a liña P2 modificará o desvío que está a realizar na zona:

Dado que o corte farase efectivo ás 9:30, as primeiras viaxes do luns 31 faranse có desvío actual. A primeira viaxe que fará o novo percorrido será a saída de San Caetano das 9:15.
*Traxecto San Caetano a Laraño: ao poder circular novamente pola Amañecida, fará o percorrido habitual ata a igrexa de Laraño, desde onde se desviará á dereita cara Reibó e finalizará o percorrido en Reibó cruce con Casal. Non poderá chegar ata a zona de Casal, finalizando o traxecto nese cruce. Desde ese punto voltará cara o centro.
*Traxecto Laraño – San Caetano: iniciará no cruce de Reibó con Casal e o percorrido será o habitual por Laraño, Amañecida e Pontevella.
Quedarán suprimidas as seguintes paradas: as 3 paradas en Casal nos dous sentidos de circulación (da 167 á 172).
A liña realizará as seguintes paradas alternativas no desvío: Reibó (marquesiña verde) e cruce de Casal, antes de retomar o itinerario habitual cara Santiago.

Corte Benéfica Conxo

Desvío na liña 5 por obras na rúa Benéfica de Conxo (a partir das 10:00 do luns 5/5 ata as 8:00 do luns 12/5/2025)

A rúa Benéfica de Conxo cortarase por espazo dunha semana, afectando á liña 5.

*Liña 5 (traxectos con saída da Rocha): desde Poza Real de Abaixo (Sta. Apolonia) non poderán acceder á rúa Torrente, polo que se desviarán por rotonda de Volta do Castro, SC-20, rotonda de Conxo, Campo de Conxo (psiquiátrico), cambio de sentido na rotonda de Teléves, e continuarán o seu percorrido habitual novamente por Campo de Conxo e pola avda. de Ferrol.
Paradas suprimidas: 629, Torrente nº 31; 627, Torrente (c. Travesa Benéfica); 126, Benéfica de Conxo.
*Liña 5 (traxectos con destino Rocha): desde Campo de Conxo chegarán ata a rotonda de Televés, desde onde realizarán cambio de sentido voltando de novo pola rotonda de Conxo, SC-20, rotonda de Volta do Castro e percorrido habitual por Poza Real de Abaixo (Sta. Apolonia).
Paradas suprimidas: 626, Torrente (c. Travesa Benéfica); 628, Torrente nº 28; 246, Torrente (c. Volta do Castro).
Pregamos desculpen as molestias que estas alteracións lles poidan ocasionar.

Corte XPardiñas con RepSalvador

Desvíos por corte de tráfico no cruzamento entre as rúas Xeneral Pardiñas e República do Salvador (a partir do inicio de servizos do luns 5 de maio)

A partir do inicio de servizos do luns 5 de maio e cunha duración estimada de dous meses, as liñas 5, 13, 15, C11 e P6 realizarán os desvíos indicados de seguido:

Quedan suprimidas totalmente as seguintes paradas:
-433 República do Salvador
-673 Xeneral Pardiñas nº 35
-674 Xeneral Pardiñas nº 7
*Liña 5 (traxecto Rocha – Vite), liña 15 (traxecto Campus Sur - Campus Norte) e liña P6 (traxecto rúa da Rosa - Polígono do Tambre): desde República Arxentina desviaranse pola praza de Ponte Castro, rúa do Hórreo e cambiarán de sentido na pza. de Galicia para acceder á parada habitual 409 (pza. de Galicia, sentido norte).

*Liña 5 (traxecto Vite – Rocha): desde Doutor Teixeiro desviaranse pola pza. de Ponte Castro, rúa da Rosa, San Pedro de Mezonzo e retomarán o seu itinerario habitual na pza. Roxa.
*Liña 13: rematará o percorrido na pza. de Galicia, desde onde iniciará de novo cara Belvís.
*Liña C11: desde a rúa Santiago de Guayaquil desviarase pola rúa do Hórreo e cambiará de sentido na pza. de Galicia para acceder á parada habitual 409 (pza. de Galicia, sentido norte).